Wejangan Ka 68 PANGERSA ABAH ANOM (SYEKH AHMAD SHOHIBUL WAFA TAJUL ARIFIN RA

 

Wejangan Ka 68 PANGERSA ABAH ANOM (SYEKH AHMAD SHOHIBUL WAFA TAJUL ARIFIN RA

Ku ayana hirup, ngarenghap, usik-malik, bisa ningal, bisa ngadangu oge geus cukup, seueur nikmat ti Alloh anu kedah disyukuri, anu ku urang kedah dinikmati. Ti baheula urang tiasa ningali, ti baheula urang tiasa ngadangu, ti baheula urang tiasa ngarenghap masih can disyukuri terus. Kari-kari urang daek ibadah dikaitkeun kakayaan, rugi dagang, teu maju tani. Kudu gedekeun wawanen urang, sumawonna dina keur untungna, najan dina keur rugi oge ulah megatkeun ibadah ka Pangeran, tetep bae khotaman, tetep bae berjama'ah dzikir. Ulah kieu, kapeung datang ari keur boga duit. Kapeung deui datang da keur kosong. Jadi angin-anginan. Buru-buru berjama'ah jeung batur-batur, saimah-imah berjama'ah, da bisa, aya hukumna, keur ngalakukeun ibadah sholat, puasa, khotaman, dzikir, aya bukuna. Ari urang ningkat mah lakukeun bae dina sagala tingkah laku. Nuhun-nuhun saperti ayeuna di Pasantren Suryalaya disarumpingan, katingal can bosen ti baheula, malah mingkin pepek, mingkin euyeub bae terus-terusan. Tah ka tempat-tempat nu sanesna oge boh di Jakartana, boh di Bandungna, boh di Garutna, di Sumedangna, di Tasikna, di luar negrina, datangna oge kudu sumujud nganyatakeun nikmat Alloh dianugrahkeun ku Alloh dugi ka urang tiasa ibadah, ari teu aya pitulung Alloh mah di mana bisa

Manaqiban: 11 Rajab 1412 H / 1991 M

PONTREN SURYALAYA TASIKMALAYA