Nadoman Eling eling umat muslimin wal'muslimat

 

Bismillahirrahmanirrahim 

*dunya geus tereh pamitan..*

*kiamat geus ngadeukeutan..*

*elmu gampang di teangan..*

*ngamalkeun na hese pisan..*

*na hp elmu pabalatak..*

*teu ngarobah kana watak..*

*ka guru kalah calutak..*

*ka kolot ge wani nyentak..*

*loba jalma anu pinter..*

*pamikiran na teu angger..*

*nu di sebut ka balinger..*

*ka batur sok ngalilieur..*

*agama jadi dagangan..*

*piken nyiar kauntungan..*

*jeung dulur anu sa iman..*

*geus loba papaseaan..*

*ari ka batur ngabela..*

*tapi jeung dulur pasea..*

*bari mamawa agama..*

*teu boga rasa rumasa..*

*hayang di sebut wanian..*

*hayang tenar ku pujian..*

*ngadadak silih baeudan..*

*jeung balad nu teu sajalan..*

*dunya geus beuki ngolotan..*

*ulama geus di jauhan..*

*ka pasantren nga anggangan..*

*ngaji geus teu kalakonan..*

*loba nu katalar qur'an..*

*hadis geus jadi talaran..*

*lain benang di wurukan..*

*tapi beunang pipikiran..*

*maca tafsir terjamahan..*

*maca hadis sambarangan..*

*mengkol dina kayakinan..*

*asa bener ceuk sorangan..*

*elmu loba di debatkeun..*

*dalil loba di adukeun..*

*tapi ahlak di pohokeun..*

*fiqih na teu di jalankeun..*

*nu bener di sebut salah..*

*nu hade di tuduh bid'ah..*

*make dalil na teu mernah..*

*nyokotan tina tarjamah..*

*hayu dulur geura ngaji..*

*ka ajeungan jeung kiai..*

*anu pinuh kupangarti..*

*nu apik tur sae ati..*

*agama keur di amalken..*

*lain pikeun di pamerken..*

*akhlak kedah di terapkeun..*

*lain sakadar ngobrolkeun..*

*sing karunya kanu bodo..*

*elingan jalma nu poho..*

*kudu sabar bari ridho..*

*kana ibadah sing sono..*

*caangan hate nu poek..*

*sangkan hirup henteu rupek..*

*amalken sulam taufeq..*

*sangkan hirup henteu fasek..*

*ulama nu sholeh nyontoan..*

*najan aya perbedaan..*

*marantena sa uyunan..*

*sangkan umat narurutan..*

*hayu dulur nu sa iman..*

*ukhwwah urang kuatan..*

*islam kudu sabeungkeutan..*

*sangkan menang ka jaya an..*

pepeling piken urang sadaya.

Eling eling umat muslimin wal'muslimat....